په افغانستان کې د سن منځنۍ کچه اتلس اعشاریه څلور کاله اټکل شوې ده او دري شپيته اعشاریه اوه سلنه وګړي تر ۲۵ کلونو ټیټ عمر لري. ځوانان د افغانستان راتلونکی دی، هغه هېواد چې د جګړې، ګواښونو، کمزورې حکومتولۍ، د ژوند لپاره له کمې هیلې، له وحشت ډک روغتیايي وضعیت، د ښوونې او روزنې ټیټې کچې او د بې ثباتې پراختیا له پراخې څپې سره مخ دی.
د «انسان» د شاګردانو پروګرام د افغان ځوانانو او محصلینو لپاره د رویايي راتلونکي لپاره د فضاء او بنسټ د رامنځته کولو هڅه ده. دوی به له پوهنتونو، ښوونځیو، او کاري چاپیریال څخه راټولیږي څو د خپل ژوند موخې سره شریکې کړي، له مشرانو او متخصصینو سره وغږیږي، او ترڅنګ یې د روښانفکرانه تعامل فرهنګ پیاوړی کړي.
«انسان» به د ځوانانو لپاره د دوستانه فضاء د رامنځته کولو په موخه په پالیسیو او قوانینو کې د بنسټیزو بدلونو لپاره د خپلو څوګونو پروګرامونو له لارې حقغوښتنه کوي.
د «انسان» د شاګردانو پروګرام کاربرخې په لاندې ډول دي:
- له متعددو کلتوري او قومي شالیدونو څخه د را یوځای شویو ځوانانو او محصلینو لپاره د جمعي لیدلوري، جمعي ارزښتونو او فرهنګي ادغام فرصت مهیا کول؛
- د ځوانانو ترمنځ متحرک مشرتابه، مدیریت او شبکهجوړونه؛
- د راتلونکي لپاره پلانجوړونه، عمل او لیدلوری؛
- د نویو ځوانانو په ورځني ژوند او مطالعاتو کې انتقادي تفکر روزل؛
- د ټولنې ځايي او ملي جوړښتونو په اړه د نظر مبادله او انعکاس.